ကျွန်တော်နှင့်ကြက်မကြီးများ

 

(၁)

 ကျနော်ငယ်ငယ်တုန်းကတွေ့ခဲ့ဖူးတဲ့ကြက်မကြီးအကြောင်းလေးပြောပြချင်ပါတယ်။

အဲဒီကြက်မကြီးဟာ ဥ,မဥဘဲကြက်တင်းထဲမှာအမြဲဝပ်နေတတ်တော့ သခင်ဖြစ်သူကသနားလို့ဘဲဥတွေဝယ်ပြီး
ထည့်ထားပေးလိုက်တယ်။ ဒီလိုနဲ့အချိန်တန်တော့ ဘဲကလေးတွေပေါက်လာခဲ့ပါတယ်။
ကြက်မကြီးကတော့ သူ့ကလေးတွေမှတ်နေတာပေါ့။ ဒီလိုနဲ့ ဘဲကလေးတွေနည်းနည်းကြီးလာတော့
ရေအိုင်ထဲမှာဆင်းကူးပါလေရော။ ကြက်မကြီးကတော့ သူ့ကလေးတွေရေနစ်မှာစိုးလို့စိုးရိမ်တကြီးနဲ့အော်ပြီးရေထဲ
ဆင်းလိုက်တာသူ့ရင်ဘတ်တွေရေစိုကုန်တဲ့အထိပါပဲ။ ဘဲကလေးတွေကတော့ရေကူးလို့ကောင်းတုန်း
ရေကူးလို့ ပျော်လို့ ကြက်မကြီးကိုသတိတောင်မရကြပါဘူး။ အဲဒီကြက်မကြီးကိုကျွန်တော်အခုထိသတိရနေတုန်းပါပဲ။
တစ်ခုစိတ်မကောင်းစရာကအဲဒီကြက်မကြီးဟာသေတဲ့အချိန်အထိအမြင်မှန်ရမသွားခဲ့ရှာဘူး။

 (၂)

ကျွန်တော်တို့အိမ်ဘေးက ကလေးမရနိုင်တဲ့လင်မယားတစ်စုံ…………………..

သူတို့ကိုယ်တိုင်က ကလေးမရနိုင်တော့သူတို့နဲ့ရင်းနှီးတဲ့သူငယ်ချင်းရဲ့ကလေးကိုမွေးစားထားရတယ်
သူ့သူငယ်ချင်းတွေကစီးပွားရေးသိပ်အဆင်မပြေတော့တခြားနယ်မှာအလုပ်သွားလုပ်ကြပါတယ်။
အဲဒီကလေးတစ်နှစ်သားလောက်ကစပြီးသူတို့လင်မယားနှစ်ယောက်ပဲအပင်ပန်းခံအိပ်ရေးအပျက်ခံပြီး
ကလေးကိုမွေးခဲ့ရပါတယ်။
ကျောင်းထားတဲ့အရွယ် ငါးနှစ်၊ခြောက်နှစ်သားအရွယ်လောက်မှာအဲဒီကလေးရဲ့မိဘတွေ အလည်ပြန်လာခဲ့ပါတယ်။
ကလေးကအမေ၊အဖေတွေနဲ့ခွဲရတာကြာလို့လားမသိဘူး
အမေနဲ့အဖေနားကမခွာပဲသူ့ကိုမွေးခဲ့တဲ့မွေးစားအမေ၊အဖေတွေဆီကိုတောင်မသွားတော့ဘူး
နောက် အဲဒီကလေးရဲ့အမေနဲ့အဖေအလုပ်ကိုပြန်သွားမယ့်အချိန်မှာကလေးကဂျီကျပြီးငိုပါလေရော
ကလေးအဖေဖြစ်တဲ့သူကဂျီကျရပါ့မလားဆိုပြီးကလေးကိုရိုက်ပါတယ်။
အဲဒီကလေးကိုမွေးစားခဲ့တဲ့ လင်မယားက,ကလေးကိုအရမ်းချစ်၊အရမ်းအလိုလိုက်ပြီးတစ်ခါမှမရိုက်ခဲ့ဖူးပါဘူး။
အဲဒီကလေးအဲဒီလိုအရိုက်ခံရတော့ အဲဒီလင်မယားဟာကလေးကိုဖက်ငိုပြီးစိတ်မကောင်းတွေဖြစ်လို့………….
ကျွန်တော့မျက်စိထဲမှာတော့ ရေနစ်တော့မယ့်ကြက်မကြီးကိုသတိရလိုက်မိတယ်။

 (၃)

ကျွန်တော်နဲ့ခင်တဲ့ကောင်မလေးတစ်ယောက်မှာယောင်္ကျားစိတ်ပေါက်နေတဲ့မိန်းကလေးသူငယ်ချင်းတစ်ယောက်

ရှိပါတယ်။ သူတို့နဲ့ကျွန်တော်နဲ့တွေ့တိုင်းအဲဒီမိန်ကလေးကကျွန်တော့်ကိုသိပ်မကြည်တဲ့
အနေအထားမျိုးဖြစ်နေတာကိုသတိတော့ထားမိခဲ့တယ် ဘာ့ကြောင့်ဆိုတာတော့ ကျွန်တော်မသိခဲ့ဘူး။
နောက်တော့ သူတို့အဖွဲ့တွေရဲ့ခရီးသွားမှတ်တမ်းလို့ခေါ်ရမလား အမှတ်တရရိုက်လာတာလေးတွေကို
ဗွီဒီယိုအခွေလုပ်ပေးပြီးတော့ cover မှာ ကျွန်တော့်ဖုန်းနံပါတ်နဲ့အီးမေးလ် ထည့်ပြီးရိုက်ပေးလိုက်တဲ့အချိန်မှာ
အဖြေပေါ်လာပါတယ်။သူကျွန်တော့်ဆီဖုန်းဆက်လာပါတယ်။ Cover မှာဖုန်းနံပါတ်နဲ့အီးမေးလ်
ထည့်ရိုက်ပေးလိုက်တာဘာသဘောလဲ…..တဲ့
မင်းဖုန်းနံပါတ်ကိုဘယ်သူ့ကိုသိစေချင်ပြီးဘယ်သူမင်းဆီကိုဖုန်းဆက်လာစေချင်လဲဆိုတာငါသိတယ်…တဲ့
မင်းတို့နှစ်ယောက်စလုံးရဲ့မျက်လုံးတွေကိုငါသိတယ်…တဲ့
ငါ့ကောင်မလေးကိုလာကြူလို့ကတော့ ငါဘာကောင်လဲဆိုတာမင်းသိစေရမယ်…တဲ့
သူ့ခံစားချက်ကိုနားလည်နေတဲ့အတွက်ကျွန်တော် စိတ်မဆိုးမိပါဘူး။ရယ်ချင်တဲ့စိတ်ကိုပဲမြိုသိပ်ထားရတယ်
တဖက်သားရဲ့ခံစားချက်ကိုမလေးစားရာရောက်မှာစိုးလို့ပါ။
စိတ်ထဲမှာတော့ ရေမကူးတတ်တဲ့ကြက်မကြီးကိုပြေးမြင်မိလိုက်ပါတယ်။

 (၄)

ဆယ်စုနှစ်တစ်ခုကျော်ကျော်ပြန်မရောက်ဖြစ်ခဲ့တဲ့ အမေ့အိမ်ကိုပြန်ရောက်ခဲ့တယ်

ကျွန်တော့်စိတ်ထဲမှာတော့အမေနဲ့တွေ့ရလို့ဝမ်းသာတာကလွဲရင် ဘာမှသိပ်ပြီးထွေထွေထူးထူးမရှိခဲ့ပါဘူး
“အိမ်” ဆိုတဲ့ခံစားမှုသိပ်မရှိခဲ့တဲ့အတွက်ကြောင့်ပဲလား…..?
“မိသားစု” ဆိုတဲ့နွေးထွေးမှုကိုသိပ်မရခဲ့ဘူးတဲ့အတွက်ကြောင့်လား…..?
ကျွန်တော့်ရဲ့မိသားစုဆက်ဆံရေးဆိုတာဧည့်သည်ဆက်ဆံရေးသာသာလောက်ပါပဲ
အမေက ကျွန်တော့်ရဲ့အေးတိအေးစက်ပုံကိုအားမလိုအားမရဖြစ်နေပုံပေါ်ပါတယ်။
နင် နှစ်တွေအကြာကြီးဘယ်လိုစိတ်ကူးမျိုးနဲ့ဘာတွေလုပ်ပြီးအိမ်ကိုပြန်မလာဘဲနေခဲ့တာလဲ…..
အိမ်ထောင်ကျသွားလို့ ၊ ကလေးတွေနဲ့မို့လို့ပြန်မလာနိုင်ရင်လဲထားပါ  နားလည်ပေးလို့ရသေးတယ်
နင့်ဦးနှောက်တစ်ခုလုံးကိုငါဖောက်ထုတ်ပြီးဆေးပေးလိုက်ချင်တယ်…….
အမေဆိုတာရောနင့်စိတ်ထဲမှာရှိသေးရဲ့လား? စာလဲမရေးအဆက်အသွယ်လဲမလုပ်နဲ့ သေမှန်းမသိ ရှင်မှန်းမသိ
ငါ့မှာနင်သေလို့ငိုမယ်ဆိုရင်တောင် နင်သေမှန်းသေချာမသိတော့ငိုလို့လဲမဖြစ်
ရှင်နေသေးတယ်လို့ပြောရအောင်ကလဲဘာသက်သေမှမပြနိုင်…………..
အမေကသူ့ရင်ထဲကခံစားချက်တွေကိုဖော်ထုတ်တယ်ပြောရမလား  မကျေနပ်ချက်တွေကိုရင်ဖွင့်တယ်ပြောရမလား
ပြောတာတွေတော့ အများကြီးပါပဲ  ကျွန်တော်ပြုံးပြီးနားထောင်နေလိုက်တယ်။
အားရအောင်ပြောပြီးတော့ အမေတစ်ခုပြောပါတယ်..
သားကြီးအိမ်ထောင်မပြုသေးဘူးလားတဲ့။   အမေရယ်..ကျွန်တော့်အသက်ငယ်ပါသေးတယ် ဆိုတော့
အမေကနင့်အသက်သုံးဆယ်ကျော်နေပြီဒါကိုငယ်သေးတယ်လို့ပြောလို့ရမလား..?
ကျွန်တော်ကလဲ ကျွန်တော့်ဝသီအတိုင်း “တာဝတိံသာနတ်သက်နဲ့တွက်ရင် ကျွန်တော့်အသက်ဟာ
တစ်ရက်တောင်မပြည့်သေးဘူးအမေရဲ့”လို့ပြောလိုက်တော့ ဟဲ့ ဒါနတ်ပြည်မဟုတ်ဘူးနင်လဲနတ်မဟုတ်ဘူး
လူဆိုတာသီးချိန်တန်သီးရမယ် ပွင့်ချိန်တန်ပွင့်ရမယ်ဟဲ့..
“ကျွန်တော်ကသစ်ပင်မှမဟုတ်တာ”ထပ်ပြီးအထွန့်တက်တဲ့ကျွန်တော့်ကိုအမေမျက်မှောင်ကုတ်ပြီးကြည့်ပါတယ်။
ဒီမှာ.. အမေအကောင်းပြောနေတယ် မိဘ၀တ္တရားငါးပါးထဲမှာ“ထိမ်းမြားခြင်းလျှင်” ဆိုတာရှိတယ်
ပြီးတော့ အမေ သားကိုစိတ်မချဘူး။  မင်းမှာ သားသမီးမရှိဘဲနဲ့အသက်ကြီးလာလို့
တစ်ခုခုနေထိုင်မကောင်းဖြစ်ရင်ဘယ်သူပြုစုမလဲ
အမေတို့ကလဲအသက်ကြီးပြီ။ အများဆုံးနေရလှ ဆယ့်လေးငါးနှစ်ပေါ့…

(အမေ့ရဲ့မေတ္တာနဲ့စေတနာကိုကျွန်တော်နားလည်ပါတယ် ကျွန်တော်ကအဲဒီစကားကိုစောင့်နေခဲ့တာ

မိဘတိုင်းဟာသူတို့ရဲ့သားသမီးတွေအပေါ်မှာအသက်နဲ့ရင်းပြီးတောင်ချစ်တတ်ကြတယ်ဆိုတာ
ကျွန်တော်သံသယကင်းစွာယုံကြည်ပါတယ်။ ဒါပေမယ့် ချစ်တဲ့စိတ်တစ်ခုထည်းနဲ့ သံယောဇဉ်တွေနဲ့စွဲလမ်းပြီး
သံသရာထဲကရုန်းမထွက်နိုင်မယ့်အဖြစ်မျိုးကိုတော့ကျွန်တော်မလိုလားပါ။)

ဟုတ်ပါတယ်အမေရယ် အခုအမေပေးစားတဲ့မိန်းကလေးကိုကျွန်တော်လက်ထပ်လိုက်တယ်ပဲထားပါတော့

ကျွန်တော်သေရင် သူလိုက်သေမှာမှမဟုတ်တာ
ဒါမှမဟုတ် သူသေသွားရင်လဲ ကျွန်တော့်မှာနောက်တစ်ယောက်ထပ်ရှာနေရဦးမယ်
ကျွန်တော့်အတွက်ပဲပူမနေနဲ့အမေရေ…. ကိုယ့်အတွက်လဲကိုယ်ပူအုံး
အမေနေမကောင်းဖြစ်ရင် ဆေးရုံ၊ဆေးခန်းပို့ပေးမယ်။ ခြေဆုပ်လက်နယ်ပြုစုပေးမယ်
ကျွန်တော်လုပ်ပေးလို့ရတာဒီလောက်ပဲရှိတယ်အမေ။ ဘုရားဟောထားတာအမေကြားဖူးမှာပါ
“အတ္တာဟိအတ္တနောနာထော ၊ ကောဟိနာထောပရောသိယာ”
ကိုယ့်ကိုယ်ကိုအားကိုးမှ သူတစ်ပါးကိုအားကိုးလို့မရဘူး၊မဖြစ်နိုင်ဘူးဆိုတာလေ……
ဟဲ့ ငါ့ကိုဆရာလာမလုပ်နဲ့ ငါကနင့်အမေ .....   ဒီမှာတရားစခန်းဖွင့်တိုင်းငါအမြဲတရားထိုင်နေတာ
ရိပ်သာလဲခဏခဏ၀င်နေတာ ဘာသာရေးအလုပ်မှန်သမျှရှေ့ဆုံးကလုပ်နေတာ……
အမေ့အသံကဒေါသကြောင့်နည်းနည်းတင်းလာတာကျွန်တော်သတိထားမိလိုက်တယ်။
ဟုတ်ပါတယ်အမေ….သားသိပါတယ် ဒါပေမယ့် တရားစခန်းဘယ်နှစ်ခေါက်ဝင်တယ်
ရိပ်သာဘယ်နှစ်ခေါက်သွားတယ် ၊ ဘယ်နှစ်နာရီကြာအောင်တရားထိုင်နိုင်တယ်ဆိုတာဂုဏ်ယူစရာမဟုတ်ဘူး
အဲဒီလိုထင်နေကတည်းက ငါလုပ်နိုင်တယ်။ ငါ့လိုဘယ်သူမှမလုပ်နိုင်ဘူးဆိုတဲ့ မာနကလေးက
ကိုယ်မသိလိုက်ခင်မှာပဲကိုယ့်စိတ်ထဲမှာနေရာဝင်ယူသွားတာ အမေရဲ့….

“လောင်နေတဲ့မီးတစ်ခုကို ရေဘယ်နှစ်ပုံးလောင်းပြီးသွားပြီ ၊ အချိန်ဘယ်လောက်ကြာအောင်ရေလောင်းပြီးသွားပြီလို့
ဆုံးဖြတ်တာထက် မီးဘယ်လောက်ငြိမ်းသွားလဲလို့ဆုံးဖြတ်တာကပိုပြီးမှန်ပါတယ် အမေ...”

တရားစခန်းတွေခဏခဏ၀င်ဖူးတာထက် ကိုယ့်စိတ်မှာလောဘတွေ ၊ ဒေါသတွေ ၊ မောဟတွေ ၊ မာနတွေ

ကိလေသာတွေပေါ့အမေရာ… ဘယ်လောက်နည်းသွားလဲဘယ်လောက်ကုန်သွားလဲဘယ်လောက်လျော့သွားလဲ
အဲဒါကပိုပြီးအရေးကြီးပါတယ်…….
အမေကကျွန်တော့်ကိုအံ့သြစွာနဲ့ကြည့်ရင်းအခုအချိန်ကျမှကျွန်တော့်ရဲ့အေးတိအေးစက်အနေအထားတွေဟာ
ရေခဲတစ်တုံးရဲ့အေးစက်မှုမျိုးမဟုတ်မှန်းသတိထားမိသွားဟန်တူပါတယ်။

ဟုတ်ကဲ့…..ကျွန်တော့်ရဲ့ရေကူးသင်သင့်တဲ့ကြက်မကြီးအကြောင်းနဲ့အတူ  အမေနဲ့
စကားတွေအများကြီးပြောဖြစ်ခဲ့ပါတယ်။
ကျွန်တော့်လိုဂွကျကျသားတစ်ယောက်မွေးထားရတဲ့အမေကတော့ စိတ်ပဲပျက်နေမိမလား
ဆိုတာအမေကိုယ်တိုင်ပဲသိပါလိမ့်မယ်…….
ကျွန်တော်ပြန်ကာနီးတော့အမေကပြောပါတယ်
သားရေ…….အမေလဲရေကူးသင်ချင်သင် ရေကူးမသင်ရင်လဲ
ရေထဲမဆင်းဘဲနေနိုင်တဲ့ကြက်မကြီးမျိုးဖြစ်အောင်လုပ်ရမယ်တဲ့……။

 (၅)

မရည်ရွယ်ပါပဲနဲ့ကြောင်တစ်ကောင်မွေးဖြစ်ခဲ့တယ်။ Persian အမျိုးအစားအမွေးပွကြောင်တစ်ကောင်ပါ။

ဝယ်မွေးရမယ်ဆိုရင်တော့ကျွန်တော်မ၀ယ်နိုင်ပါဘူး။ သူများပေးလို့မွေးရတာပါ။
ကြောင်တစ်ကောင်ရောက်လာတော့ ကျွန်တော့်မှာအလုပ်တစ်ခုပိုလာပါတယ်။
အစာကျွေးဖို့ ၊ သန့်ရှင်းရေးလုပ်ပေးဖို့ ၊ အပေါ့အလေးသွားဖို့ကအစပေါ့။
ကြောင်တစ်ကောင်ရဲ့ဝေယျာဝစ္စကလဲမသေးလှပါ။
အလုပ်သွားချိန်ဆိုရင် အခန်းထဲမှာပိတ်ထားခဲ့ရတယ်။
အပြင်မှာလွှတ်ထားခဲ့ဖို့ကျတော့လဲလုံးဝမဖြစ်နိုင်………
တိရိစ္ဆာန်တစ်ကောင်ရဲ့လွတ်လပ်ခွင့်ကိုမပိတ်ပင်ချင်ပေမယ့် လွှတ်ထားရင်
အသက်အန္တရာယ်ပါစိုးရိမ်ရတဲ့နေရာမျိုးဖြစ်နေတော့လဲ ကျွန်တော်ဘာမှမတတ်နိုင်ပါ။
သတိထားနေရင်းကလှစ်ကနဲပျောက်ပျောက်သွားတတ်လို့ရှာလိုက်ရတာလဲအမော….
ဒီမှာက မျက်စေ့ဒေါက်ထောက်ပြီးကြည့်နေရင်းကတောင် ဟင်းစားဖြစ်သွားတဲ့ကြောင်တွေကမရေမတွက်နိုင်…
စားလို့ရတာအကုန်စားဆိုတာဒီနေရာကလူတွေရဲ့ဆောင်ပုဒ်များလားမသိ……..
အိပ်ပျော်နေတဲ့ စာကလေးတွေတောင် အိပ်မက်မက်ခွင့်မရပဲဘ၀ပြောင်းသွားတဲ့အကောင်ပေါင်းက မနည်းတော့…….
အကြင်နာတရား ၊ ကိုယ်ချင်းစာတရား ၊ မေတ္တာတရားတွေခေါင်းပါးလွန်းတဲ့ဒီနေရာမျိုးဟာ
ပတိရူပဒေသမဟုတ်သော်ငြားလဲ ရှောင်လွဲမရတဲ့ရေစက်တွေရှိခဲ့လေတော့ သတ္တ၀ါတွေကျန်းမာချမ်းသာစေဖို့
မေတ္တာပို့ရင်းနဲ့သာ မကုန်သေးတဲ့ဝဋ်ကြွေးတွေကိုဆပ်ဖို့ ကျွန်တော်ဆက်ပြီးနေထိုင်ရပါဦးမယ်။

သူငယ်ချင်းတစ်ယောက်ကမေးပါတယ်။
ဒီကြောင်ရောက်လာမှအကိုပိန်သွားသလိုပဲ…စိတ်ညစ်လို့လား………? တဲ့
စိတ်ညစ်လို့မဟုတ်ပါ…… စိတ်မအေးတာပဲဖြစ်ပါတယ်…..
ကြောင်ကတစ်ကောင်ထဲဆိုတော့ပျင်းမှာစိုးတာနဲ့ ကစားစရာတွေဝယ်ပေးရ…..
တစ်ခါတစ်ခါကိုယ်ပါကြောင်လိုအော်ပြီး ကြောင်တစ်ကောင်လိုလိုက်ဆော့ခဲ့ရနဲ့………..
ကျွန်တော့်ဦးနှောက်တွေတောင် ကြောင်တောင်တောင်ဖြစ်နေပြီထင်ပါရဲ့။
အလုပ်ပိတ်ရက်တစ်ရက်မှာအခန်းသန့်ရှင်းရေးလုပ်ပြီး ရေချိုးဖို့ရေချိုးခန်းထဲဝင်ရင်း
ရှုပ်ရှက်ခတ်နေတဲ့မုတ်ဆိတ်ကျင်စွယ်တွေကိုရှင်းဖို့မှန်အကြည့်မှာ
ကျွန်တော်အော်ပြီးတော့ရယ်လိုက်မိပါတယ်…….
ဘာဖြစ်လို့လဲဆိုတော့ ကျွန်တော်ကြည့်နေတဲ့မှန်ထဲမှာ
ရေနစ်နေတဲ့ကြက်မကြီးတစ်ကောင်ကို အရှင်လတ်လတ်မြင်လိုက်ရလို့ပါပဲ…………….။

 

ကိုမိုးစက်

November , 7 , 2013