ရပ်တန့်ငြိမ်သက်နေခဲ့တဲ့
ပင်လယ်တစ်ခုရဲ့မှတ်တမ်းမှာနားလည်မှုများစွာ…..
တိုက်ဆိုင်မှုများစွာ…..
အမှတ်တရများစွာနဲ့
သတိရခြင်းတွေကိုသိမ်းပိုက်သွားခဲ့တဲ့လတစ်စင်းရဲ့အကြောင်း
ရိုးသားစွာဖွင့်ဟဝန်ခံခွင့်ပြုပါ။
ပင်လယ်တစ်ခုရဲ့ဖြစ်တည်မှုသမိုင်းကြောင်းမှာ
အမှန်တရားဖြစ်စဉ်တစ်ခုရှိခဲ့တယ်ဆိုရင်အဲဒါဟာ..
လမင်းနဲ့တွေ့ဆုံခဲ့ခြင်းကလွဲပြီး
တခြားဘာမှမဖြစ်နိုင်ပါဘူး.......
ပင်လယ်တစ်ခုရဲ့
လမင်းနဲ့တွေ့ဆုံခဲ့ခြင်းဆိုတာသမိုင်းတွင်ရစ်လောက်အောင်
ကြီးကျယ်ခမ်းနားခြင်းတွေတော့
မရှိခဲ့ပါဘူး.......
လမင်းနဲ့တွေ့ဆုံခဲ့ခြင်းဆိုတာ
ပင်လယ်အတွက်အမှားအယွင်းတစ်ခုဖြစ်ခဲ့မယ်ဆိုရင်တောင်
အဲဒီမှားယွင်းမှုဟာ
ပင်လယ်ရဲ့အသက်ရှင်ခွင့်ပဲဖြစ်နေပြန်ပါတယ်။
လရောင်တွေခံယူခွင့်မရှိသေးချိန်အထိ
မှောင်မဲအေးစက်နေတဲ့
သွေးပျက်စရာအခြေအနေတစ်ခုထဲမှာ
ပင်လယ်ဟာ
ကိုယ့်ကိုယ်ကိုယ်လွှင့်ပစ်ထားခဲ့ဖူးတယ်........
လမင်းရေ…..
ငါပြောပြချင်တယ်လတစ်စင်းရဲ့ကကြိုးအောက်မှာ
ရိုးသားစွာပျောက်ဆုံးခဲ့ရတဲ့
ပင်လယ်တစ်ခုရဲ့အသက်ရှူသံတွေအကြောင်းပေါ့။
ယုန်လဲမဝပ်ပါဘူး
ဆန်ဖွပ်တဲ့အဖိုးအိုလဲမရှိခဲ့ပါဘူးဒါပေမယ့်…
အဲဒီလတစ်စင်းရဲ့ဆွဲအားကြောင့်
ပင်လယ်ရဲ့ဝိညာဉ်ဟာ
မျှော်လင့်ခြင်းများစွာနဲ့
အသက်ဝင်ခဲ့ရပါတယ်.......
ပင်လယ်တစ်ခုရဲ့
ဖြစ်တည်မှု…..ရှင်သန်မှု…..
စီးဆင်းမှု…..
ရပ်တန့်မှု…..အားလုံးဟာ
လမင်းရဲ့အသက်ရှူသံတွေအောက်မှာ
နူးညံ့စွာ ခစားခဲ့ရပါတယ်။
လရောင်ကို မြတ်နိုးစွာခံယူတတ်ခဲ့သလို
လမင်းကိုလဲ ရိုးသားစွာမျှော်လင့်နေတတ်ခဲ့ပါပြီ
လရောင်ကိုနမ်းရှိုက်ခွင့်မရတဲ့ညတွေမှာ
ပင်လယ်ဟာ
အသက်ကို တစ်ဝက်ပဲရှူခဲ့ရပါတယ်.....
အေးမြနူးညံ့တဲ့လရောင်ရဲ့ရနံ့မှာ
နှစ်သက်စွာခံစားပျော်ဝင်တတ်ခဲ့ပြီးတဲ့နောက်
သင်ကြားစရာမလိုအပ်ပဲ
တတ်မြောက်ခဲ့ရတဲ့အလွမ်းတွေနဲ့အတူ
လမင်းကိုရူးသွပ်မိသူပါ။
ဒီလိုနဲ့ ပင်လယ်ဟာ
သူချစ်တဲ့လတစ်စင်းရဲ့အကြောင်းသူ့ရဲ့ရင်ဘတ်ထဲမှာ
နက်ရှိုင်းစွာ ရေးထိုးထားခဲ့မိပါတယ်.......
အဲဒါဟာ
ပင်လယ်တစ်ခုရဲ့ လိုအပ်ချက်လား.....?ပင်လယ်တစ်ခုရဲ့ မိုက်မဲမှုလား.....?
ပင်လယ်တစ်ခုရဲ့ ကျဆုံးခန်းလား.....?
ဘယ်လိုအကြောင်းတွေကြောင့်ပဲဖြစ်ဖြစ်
ပင်လယ်တစ်ခုရဲ့ဖြစ်တည်မှုခရီးစဉ်အဆုံးထိလရောင်တွေကို
မရှိမဖြစ်လိုအပ်နေပါတယ်.......
ဒါဟာ
ပင်လယ်တစ်ခုရဲ့ဖြစ်တည်မှုသမိုင်းကြောင်းမှာပထမဆုံး….
နောက်ဆုံး….နဲ့
တစ်ခုတည်းသောအမှန်တရားပဲဖြစ်ပါတယ်။
လမင်းရေ…..
ကောင်းကင်ကြီးပြိုကျပျက်စီးသွားခဲ့ရင်တောင်မှလမင်းကိုပိုင်ဆိုင်ခွင့်ရဖို့မသေချာတဲ့
ပင်လယ်တစ်ခုရဲ့ရင်ဖွင့်သံတွေကြားမှာ
လမင်းလေး အိပ်ရေးပျက်နေမလား.....?
ဆုံနိုင်တဲ့လမ်းမှာတွေ့ခဲ့ကြပါရက်နဲ့
နှင်းဆီပွင့်တဲ့ရာသီတစ်ခုနဲ့တော့
တိုက်ဆိုင်စွာမလွဲချော်ပါရစေနဲ့
ပင်လယ်တစ်ခုရဲ့ဖြစ်တည်မှုခရီးစဉ်အဆုံးမှာ
မုန်တိုင်းတွေထန်နေမလားလရောင်တွေရဲ့နှစ်သိမ့်မှုနဲ့
နူးညံ့စွာထိတွေ့ခွင့်ရမလား
ပင်လယ်ဟာသိခွင့်ရချင်နေပါတယ်။
ကိုမိုးစက်
August,30,2014 , Saturday 11:47 pm
No comments:
Post a Comment